|
|
|
|
|
| |
Tref Trelew
Canolbwynt yr hanes
Rydych eisoes yn y dref, dyma ddechrau chwilota yn ei chorneli
a fydd yn datgelu cyfrinachau’r gorffennol a’r presennol
- cyfrinachau ei hanes a’i natur amlddiwylliannol.
O fynd am dro drwy ei strydoedd gwelwn adeiladau hanesyddol
a llefydd o ddiddordeb sydd yn adlewyrchu gorffennol amlddiwylliannol
Trelew o’r Tehuelches a’r Mapuches i’r Cymry,
y Sbaenwyr a’r Eidalwyr ac ati.
Dechreuwn ein taith yn yr hen orsaf rheilffordd sydd heddiw’n
gartref i Amgueddfa Trelew.
Efallai mai’r capeli ydy’r symbol orau o’r etifeddiaeth
Gymreig a fu mor arwyddocaol yn hanes sefydlu’r dref. Yma,
yn ardal Trelew gallwch ymweld â Chapel Tabernacl yng
nghanol y dref a Chapel Moriah ger yr afon Camwy.
Yng nghyffiniau Trelew gwelwch y paith - amgylchedd ecolegol
unigryw a nodwedd o’r rhan hwn o Batagonia. Mae’r
MEF (Amgueddfa Dinosoriaid Egidio Feruglio) a Pharc Daearegol
Bryn Gwyn yn cynnig cyfle diguro i ni weld gorffennol Patagonia
a darganfod y dinosoriaid a fu’n byw yma.
Os hoffech chi astudio adareg mae’n bosibl gwylio adar
ar y paith, o gwmpas yr afon Camwy a ger y Llyn Adar, sydd yn
gartref i lu o adar o bob rhywogaeth.
Cewch hwylio’n llonydd lawr yr Afon Camwy, ymlacio dan
ganopi’r dail gwyrddion a dod i adnabod trigolion gwreiddiol
ein dyffryn a’r paith, a’r trawsnewidiad diwylliannol
a ddaeth yn sgil datblygu a manteisio ar yr afon hon.
Gallwch seiclo o Drelew ar wibdeithiau wedi eu trefnu’n
bersonol i chi a mwynhau’r tirwedd unigryw sydd o’n
cwmpas gan aros mewn estancias, tai gwledig, gwersylloedd
neu westai gwely a brecwast.
Mae’r amrywiaeth eang hwn o dirwedd ac amgylchfyd yn golygu
ein bod yn medru cynnig teithiau ecolegol ar hyd llwybrau gwahanol
i weld planhigion ac anifeiliaid brodorol a’r gwlâu
ffosiliau yn eu cynefin. Dewiswch chi y llwybrau ar gyfer eich
gofynion chi a’ch lefelau ffitrwydd chi..
|
|
|
|
|
|
|
