|
|
|
|
|
| |
Punta Tombo
Cerdded ymysg pengwiniaid
Os ewch tua’r de mae’r arwyddion ffyrdd yn eich arwain
i Punta Tombo, ac ar y daith yno gallwch sylwi ar y tirwedd
nodweddiadol o’r rhan hwn o Batagonia.
Wrth deithio’r milltiroedd gallwch weld natur ar ei gyfoethocaf
gyda’r anifeiliaid hyd yn oed yn croesi’r ffordd o’ch
blaen – weithiau ar frys ac weithiau yn hamddenol, dan
eu pwysau.
Mae’r tiroedd hyn, er ar yr olwg gyntaf yn wag, yn dir
magu defaid ar gyfer eu gwlân. Yn yr estancias
hyn setlodd teuluoedd cynnar ac mae rhai yn cynnig blas i chi
ar y bywyd gwledig, gwaith y fferm a hyd yn oed gig oen Patagonia
wedi ei goginio fel asado yn yr awyr iach.
Ar ôl teithio 107 Km o Drelew gwelwch o flaen eich llygaid
un o’r golygfeydd mwyaf trawiadol ym myd natur, Gwarchodfa
Natur Punta Tombo, lle mae cartref mwy na miliwn o bengwiniaid
Magellan. Mae’r penrhyn bach hwn yn ymestyn tua 4 Km i’r
môr ac oherwydd hyn mae ganddo draethau llydan heb fod
yn serth sydd yn gartref i’r pengwiniaid o tua diwedd mis
Awst tan tua diwedd mis Mawrth.
Creodd talaith Chubut y warchodfa hon yn y flwyddyn 1979 gyda
210 hectar efo’r bwriad o ddiogelu dyfodol y pengwiniaid
Magellan a’u cynefin.
Yn Punta Tombo down o hyd i fwy na dim ond pengwiniaid, cawn
gyfle i weld mwy o anifeiliaid ac adar y môr.
|
|
|
|
|
|
|
