|
|
|
|
|
| |
Gaiman - Dolafon
- Dyffryn Camwy Isaf
Arloeswyr y Dyffryn
Ger Trelew mae Dyffryn Camwy yn torri ar undonedd a natur digroeso
paith Patagonia. Rhoddodd y dyffryn hwn o gwmpas dyfroedd y
Camwy gartref i’r Gwladfawyr o Gymru a ddaeth yma yn chwilio
am dir oedd well lle y gallent fod yn rhydd i addoli a siarad
eu hiaith gan ymfalchïo yn eu diwylliant.
Os dewiswch chi lwybr y ffermydd (ffordd taleithiol rhif 7/
ruta provincial 7) neu y ffordd fawr sy’n uno Trelew
ac Esquel (ffordd cenedlaethol rhif 25/ ruta nacional 25)
gallwch ymweld â’r Gaiman, Dolafon a Thir Halen (28
de Julio), pob un yn arbennig yn ei ffordd ei hun.
Pentrefi ydyn nhw sydd yn adlewyrchu ffordd o fyw y trigolion,
ac mae’n siŵr y sylwch ei fod yn fwy hamddenol na’r
dref. Gwelwch yno hen dai trawiadol gyda’u pensaernïaeth
neilltuol eu hunain, safleoedd hanesyddol ac amgueddfeydd, a’r
tai te sydd erbyn hyn yn nodweddiadol o’r ardal lle mae
te traddodiadol Cymreig yn cael ei weini.
Mae Dyffryn Camwy yn enwog am ei amaeth a gellir ymweld â
rhai o’r ffermydd ar waith. Yn y ffermydd agored i dwristiaid
gallwch weld sut maent yn cynhyrchu ffrwythau yn enwedig ceirios,
gallwch weld ffermydd addysgiadol, ffermydd organig a ffermydd
sy’n pesgi gwartheg a defaid - ffermydd nodweddiadol o’r
ardal.
Er y caledi ar y cychwyn, ni rwystrodd hyn y Gwladfawyr cynnar
rhag adeiladu capeli dros y dyffryn i gyd. Mae nifer wedi eu
hadnewyddu yn ddiweddar, a medrwch ymweld â llawer ohonynt
drwy drefnu o flaen llaw.
|
|
|
|
|
|
|
