|
|
|
|
|
| |
Porthladd Rawson - Traeth Unión
Môr agored i’th ddychymyg
Dim ond 25 Km o Drelew mae Môr yr Iwerydd yn ei ehangder
yn golchi’r traethau caregog yn nhraeth Unión.
Os hoffech chi brofi amrywiaeth o gampau dŵr yna gallwch
fanteisio ar wynt Patagonia yma ar y traeth, gan gofio fod rhaid
parchu natur a rhaid bod yn ffit a chryf iawn i fedru harneisio’r
elfennau yma.
Mae’r traethau hyn yn orlawn yn ystod yr haf a gellir dewis
o lu o weithgareddau megis cystadlaethau athletaidd a gweithgareddau
ymarfer corff, dawnsio a mynd allan gyda’r nos a phrofi
nifer o ddathliadau traddodiadol. Gallwch bysgota yma drwy’r
flwyddyn gyda’r sicrwydd y daliwch chi un o’r amrywiaeth
eang o bysgod sy’n byw yma ar yr arfordir.
1 Km o Draeth (Playa) Unión mae Porthladd Rawson
lle gallwch weld y llongau pysgota yn mynd ac yn dod, a mwynhau
prydau blasus o bysgod neu fwyd môr yn y tai bwyta arbenigol
gyferbyn â’r porthladd.
O’r porthladd mae cychod cyflym yn mynd allan i’r
môr i weld dolffiniaid du a gwyn Commerson (toninas)
sy’n neidio nid nepell o’ch cwch. Mae’n brofiad
gwahanol iawn i hwylio ar ddyfroedd tawel Bae Newydd i weld
y morfilod.
|
|
|
|
|
|
|
